9 қыркүйектеп бастап Қазақстан Венгриямен арадағы әуе рейстерін қайта ашады

Қазақстан Венгриямен арадағы тұрақты әуе рейстерін қайта ашады, деп хабарлайды zakon.kz.

ҚР ИИДМ Азаматтық авиация комитеті мен ҚР Венгриядағы елшілігінің бірлескен жұмысының арқасында 2021 жылғы 9 қыркүйектен бастап Венгрияның "Wizz Air" әуе тасымалдаушысы Будапешт пен Нұр-Сұлтан қалалары арасында А320 ұшақтарымен аптасына бір рет тұрақты рейстерді қайта бастауды жоспарлап отыр, делінген Азаматтық авиация комитеті хабарламасында.

Венгрияға жасалатын рейстер санын ұлғайту мәселесі эпидемиологиялық жағдайға және ведомствоаралық комиссияның тиісті шешімдеріне байланысты қабылданады.

Рейстер санитарлық-эпидемиологиялық талаптарды қатаң сақтай отырып және әуе компаниясының сайтында жарияланған кестеге сәйкес орындалады.