Жар опырылып, бір көлік Елек өзеніне құлады
Ақтөбе облыстық ПД
Көліктің ішіндегі екеудің біреуі мерт болды.
Ақтөбе облысының Мұғалжар ауданындағы Елек өзенінің жағасында төтенше оқиға орын алды, деп хабарлайды zakon.kz.
Облыстық полиция департаменті атап өткендей, Қандыағаш қаласының екі тұрғыны болған Volkswagen Passat автокөлігі Електің жағалауымен кетіп бара жатып, жардан өзенге құлады.
Жол-көлік оқиғасы салдарынан 59 жастағы жүргізуші көліктен шыға алмай, суға батып кетті, ал 45 жастағы жолаушы өз бетімен жағаға шыққан, қазір қабырғасы сынған ол орталық облыстық ауруханаға жатқызылды, деп хабарлайды Ақтөбе облыстық ПД баспасөз қызметі.
Полициядағылар көлікті ауыр техниканың көмегімен өзеннен шығарды.
Сараптама тағайындалды, - дейді Ақтөбе облыстық ПД баспасөз қызметі.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
