Алматының "Қайраты" Конференция лигасында "Омонияны" ұта алмады

"Қайрат" футбол клубы Конференция лигасының топтық кезеңіндегі алғашқы ойынын өткізді, деп хабарлайды zakon.kz Аладопқа сілтеме жасап.

Құрбан Бердыев шәкірттері Қазақстанға келер алдында бірнеше ойыншысынан айырылған кипрлік "Омониямен" кездесті. Алматыдағы Орталық стадионда өткен матч 0:0 есебімен аяқталды.

Кипрлік клуб гол соғатын бірнеше мүмкіндікке ие болды, бірақ бұл ойында "Қайрат" қорғаушылары мен Стас Покатилов сенімді түрде әрекет етті.

Алайда, "Қайрат" командасы да "Омония" қақпасына қауіп төндірді, бірақ ойыншыларға соңғы сәтте салқын қандылық пен дәлдік жетіспеді. Атап айтқанда, Вагнер Лав екінші таймда қақпашымен жеке-дара шығып, гол соға алмады.

Алматылық клуб келесі кездесуін 1 қазан күні швейцариялық "Базельге" қарсы өткізеді.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021