Пара алып, сотталған Аягөздің бұрынғы әкімі бостандыққа шығып алды

Аягөз қаласының бұрынғы әкімі Қуаныш Әзіханов бостандыққа шықты, деп хабарлайды zakon.kz.

Бұл туралы оның адвокат Бауыржан Азанов хабарлады.

Менің клиентім Қуаныш Әзіханов сот залында қамаудан босатылды, - деп жазды ол Facebook-тегі парақшасында.

Шығыс Қазақстан облыстық соты бұл ақпаратты растады. Қуаныш Әзіхановтың жазасын өтелмеген бөлігін айыппұлмен алмастыру туралы өтінішхат бойынша материалды Семей қаласының No2 соты қарады.