Үй бағасы тағы қымбаттайды - сарапшы
Сурет: pixabay
Бұл туралы Қазақстанның жылжымайтын мүлік федерациясының президенті Ермек Мүсірепов LS порталына берген сұхбатында айтты, деп хабарлайды Zakon.kz.
Е.Мүсіреповтің айтуынша, 2022 жылдың 1 қаңтарынан зейнетақы жинағының ең төменгі жеткіліктілік шегінің өсуі баспананың да бағасын қымбаттатады.
Жаңа шектің енгізілуіне 27 күн қалды. Осы аралықта жинаған қаржысын келесі жылға қалдырған зейнетақы бағдарламаларына қатысушылардың дүрлігетіні анық. Өйткені олар жеткіліктілік шегінің бұлай күрт өсіп кететінін білген жоқ. Осыған орай жаңа және қолданыстағы тұрғын үй иелері бағаны көтеріп жібереді, бұл баспана құнының кем дегенде 10-15 пайызға қымбаттауына әкеп соғады.Қазақстанның жылжымайтын мүлік федерациясының президенті Ермек Мүсірепов
Е.Мүсірепов бұл жағдайдың еліміздің барлық өңірінде болатынын айтты.
Халық жылжымайтын мүлікті сатып алып, пайдаланады. Олар шекке жеткенше күтіп отырмайды, өйткені күні ертең не боларын ешкім білмейді. Егер тұрғын үйді мегаполистерден ала алмаса, бағасы арзан өңірлерден сатып алады.Ермек Мүсірепов
Мүсіреповтің болжауынша, жылжымайтын мүлік нарығындағы жағдай келесі жылдың көктеміне қарай саябырсиды. Оған биылғыдай зейнетақы қорындағы қаржының баға жасауға ықпалы болмай қалатындығы әсер етеді. Оған қоса жинағын пайдалана алатын халықтың да үлесі шектеледі.
Дегенмен көктемде жаңа тренд пайда болып, баспана бағасына сол да әсер етуі бек мүмкін.
Инфляция мен табысының азаюы салдарынан халықта ипотеканы жабатын қаржы жеткіліксіз болуы мүмкін. Несиеден шаршаған халық соңында пәтерлерін сата бастайды.Ермек Мүсірепов
Е.Мүсірепов қазақстандық жылжымайтын мүлік нарығының құбылмалы екенін айтты. Мемлекет тарапынан енгізілетін кез келген жаңалық тұрғын үй құнына әсер етпей қоймайды.
Баға әлі де құбылады, жылжымайтын мүлік нарығы әлі де тұрақтала қоймайды, дегенмен үмітімізді үзбейміз.Ермек Мүсірепов
Тақырыпқа қатысты ақпарат
