Тоғжанов тарихи фактілері бұрмаланған сахналық қойылымдарды сынады

Театр Сурет: primeminister.kz
Тоғжанов театр сыншылары институтын дамытудың маңызына тоқталып, театр сыншыларына тұрақты қолдау көрсетуді тапсырды

13 желтоқсанда Премьер-министрдің орынбасары Ералы Тоғжановтың төрағалығымен кино және театр саласын дамыту жөніндегі кеңес отырысы өтті, деп хабарлайды Zakon.kz.

Оған тиісті орталық мемлекеттік және жергілікті атқарушы орган өкілдері мен мәдениет саласының мамандары қатысты. Кеңес барысында кино және театр саласындағы бірқатар проблемалық мәселелер мен оларды жүйелі түрде шешу жолдары қарастырылды, делінген Үкімет басшысының сайтында.

Бүгінгі күні Қазақстанда 65 театр бар, оның ішінде 54-і мемлекеттік, 11-і жеке меншік. Жалпы Тәуелсіздік жылдарында Қазақстанда 21 мемлекеттік театр ашылды, 10 театрға жаңа ғимарат салынды. Театрлардың мәртебесін көтеру мақсатында 3 театрға «Ұлттық», 9 театрға «Академиялық» статус берілген.

Премьер-министрдің орынбасары кеңес барысында театрларда көркемдік деңгейі сын көтермейтін қойылымдардың сахналануының, тарихи фактілердің бұрмалану фактілері кездесіп отырғанын айтты. Бұл ретте ол көркемдік кеңестің мақұлдауынсыз қойылымдарды іске асырмау, көркемдік кеңестер құрамына тарихшы мамандарды енгізу қажеттілігін атап өтті.

Сонымен қатар Тоғжанов театр сыншылары институтын дамытудың маңызына тоқталып, театр сыншыларына тұрақты қолдау көрсетуді тапсырды. Бұдан бөлек, Үкімет басшысының орынбасары кинематография саласындағы бірқатар проблемаларды көтерді. Республикада 110 кинотеатр өз қызметін жүзеге асырады, оның ішінде 29-ы мемлекеттік меншікте.

1991 жылдан бері «Қазақфильм» киностудиясы 600-ден аса фильм түсірді. Дегенмен еңбекқорлықты, азаматтық жауапкершілікті, отансүйгіштікті, спортты насихаттайтын картиналардың әлі де жеткіліксіз екендігі айтылды. Бұл бағытта Тоғжанов кино және театр саласындағы қойылым тақырыптарын жүйелі құндылықтардың аясында қоюды ұсынды.

Кеңес қорытындысы бойынша Премьер-министрдің орынбасары Мәдениет және спорт министрлігі мен өңір әкімдіктеріне кино және театр саласын дамыту бойынша жүйелі шаралар қабылдау туралы бірқатар нақты тапсырма берді.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз