Жаңалықтар тізбегі
0

Ауа райының нашарлауына байланысты бірқатар өңірде ескерту жарияланды

Ауа райы болжамы, сурет - Zakon.kz жаңалық 21.12.2021 20:08 Сурет: pexels
"Қазгидромет" РМК мәліметінше, 22 желтоқсан күні ауа райының нашарлауына байланысты Қазақстанның бірқатар өңірінде ескерту жарияланды, деп хабарлайды Zakon.kz

Метеорологтардың ақпараты бойынша, 22-23 желтоқсан аралығында Солтүстік Қазақстан облысының басым бөлігінде жауын-шашын (көбіне қар) күтіледі. Облыстың солтүстігінде, батысында боран, көктайғақ, ал оңтүстік-батысында тұман түседі.

Сонымен қатар, желдің күшеюі болжанады.

СҚО-да 22 желтоқсанда түнде, күндіз облыс аумағының басым бөлігінде оңтүстіктен, оңтүстік-шығыстан соққан жел екпіні 15-20 м/с құрайды, 23 желтоқсанда түнде өңірдің басым бөлігінде, күндіз шығысында соққан желдің екпіні 15-20 м/с, кей жерде 23 м/с жетеді. "Қазгидромет" РМК

Петропавлда 22 желтоқсанда күндіз және 23 желтоқсанда түнде синоптиктер бұрқасын, көктайғақ болады деп болжап отыр. 22-23 желтоқсанда оңтүстіктен, оңтүстік-шығыстан, 15-20 м/с жылдамдықпен жел соғады.

22 желтоқсан күні таңертең және күндіз Түркістан облысының таулы аудандарында қатты жаңбыр жауады. Түнде облыстың оңтүстігінде, солтүстігінде шаңды дауыл тұрады. Жел екпіні күндіз 15-20 м/с құрайды, таулы аймақтарда оның қарқыны 23-28 м/с, таулы асуларда 30 м/с жылдамдықпен үдейді.

Шымкентте таңертең және күндіз қатты жаңбыр жауады. Оңтүстіктен, оңтүстік-батыстан таңертең және күндіз 15-20 м/с жылдамдықпен жел соғады, екпіні 23 м/с жетеді.

Түркістанда оңтүстіктен, оңтүстік-батыстан 15-20 м/с жылдамдықпен жел соғады, күндіз екпіні 23 м/с жетеді.

Қарағанды облысының батысында, солтүстігінде, орталығында – тұман, көктайғақ, төменгі бұрқасын. Оңтүстік-шығыстан, оңтүстіктен, батыстан, солтүстіктен, облыс орталығынан 15-20 м/с жылдамдықпен жел соғады, екпіні 23 м/с жетеді.

Қарағандыда түнде және таңертең тұман, күндіз көктайғақ, бұрқасын болады. Оңтүстік-шығыстан, оңтүстіктен жел соғады, күндіз екпіні 15-20 м/с жетеді.

Жезқазғанда тұман, көктайғақ, бұрқасын болады. Оңтүстік-шығыстан, оңтүстіктен жел соғады, екпіні 15-20 м/с жетеді.

Қызылорда облысының солтүстігінде және орталығында – көктайғақ, тұман. Оңтүстік, оңтүстік-батыстан жел соғады, облыс орталығында желдің жылдамдығы 15-20 м/с құрайды, күндіз екпіні 23 м/с жетеді.

Қызылордада таңертең және күндіз оңтүстік-батыстан жел соғады, екпіні 15-20 м/с жетеді.

22 желтоқсанда Ақмола облысының батысы мен шығысында тұман, көктайғақ болады деп күтіледі. Оңтүстіктен, оңтүстік-шығыстан, солтүстік-батыстан, шығыстан 15-20 м/с жылдамдықпен жел соғады. "Қазгидромет" РМК

Көкшетауда көктайғақ болады.

Синоптиктер Батыс Қазақстан облысының солтүстігінде тұман, күндіз солтүстікте, солтүстік-батыста боран болады деп болжанып отыр. Солтүстік-батыстан соққан жел оңтүстік-батысқа ауысады, күндіз облыстың солтүстік-батысында соққан желдің екпіні 15-20 м/с жетеді.

Оралда түнде және таңертең тұман түседі. Солтүстік-батыстан соққан жел оңтүстік-батысқа ойысып, күндіз желдің екпіні 18 м/с жетеді.

Түнде басым бөлігінде, күндіз Ақтөбе облысының оңтүстік-шығысында – тұман, көктайғақ.

Ақтөбеде түнде тұман түседі.

Қостанай облысының басым бөлігінде, облыстың орталығы мен солтүстік-шығысында қатты жауын-шашын (жаңбыр, қар) күтіледі. Облыстың орталығы мен оңтүстігінде тұман, көктайғақ болады деп күтіледі. Облыстың оңтүстігінде, шығысында боран соғады. Оңтүстіктен солтүстік-батысқа ойысқан жел өңірдің оңтүстігі мен шығысында 15-20 м/с жылдамдықпен ұйытқиды.

Қостанайда 22 желтоқсанда жауын-шашын (жаңбыр, қар), көктайғақ болады.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: