Қостанайда 5 сынып оқушысы өртеніп жатқан үйден төрт баланы аман алып шықты

Төтенше жағдай Сурет: Zakon.kz
Бала үйге терезе арқылы кіріп, кезек-кезек төрт баланы аман-есен сыртқа алып шықты. Ешқайсысы да ауруханаға жатқызуды қажет етпейді, деп хабарлайды Zakon.kz

Жеке сектордағы саяжайда өрт болып жатқаны туралы ақпарат 25 желтоқсанда сағат 11:36-да келіп түсті, деп хабарлады Қостанай облыстық ТЖД.

Өрт сөндірушілер келген кезде қызыл жалын шатырды жалмап, бөлмелердің ішіне қарай жылжыған. Мұнда алты адам тұрады, бірақ мамандар келгенде іште ешкім болмаған.

Кейін өрт сөндірушілер №22 орта мектептің бесінші сынып оқушысы көшеде ойнап жүріп, қалың түтінді байқағанын анықтады. Бала бұл үйде үлкен отбасы тұратынын жақсы біледі екен, үлкен қыз – сегіз жаста, ал кішісі – екі жаста. Ол өрт сөндірушілердің келуін күтпестен терезеден үйдің ішіне қойып кетіп, қалың түтін ішінен барлық балаларды құтқарды. ТЖД мәліметінше, өрт кезінде үйде балалардың ата-анасы болмаған. Олар пешке от жағып, дүкенге шығып кеткен.

Өрт сөндірушілер өртті сөндіріп, оттың көрші саяжай учаскелеріне таралу қаупін жоя алды. Өрттің болжамды себебі – пешті дұрыс пайдаланбау.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз