Өзбекстанның 6 азаматы ел аумағынан шығарылды
Сурет: ҚР ІІМ баспасөз қызметі
ШҚО Үржар ауданының Бақты ауылын тексеру кезінде Өзбекстан Республикасының 6 азаматы анықталып, Қазақстан Республикасының шегінен шығарып жіберу түрінде әкімшілік жауапқа тартылды, деп хабарлайды Zakon.kz
«Құқықтық тәртіп» жедел алдын алу іс-шарасын өткізу аясында Шығыс Қазақстан облысының аумағында уақытша және тұрақты тұратын шетел азаматтарының мекенжайлары мен тұрғылықты жерлеріне, базарларына тексеру жүргізіліп жатыр.
Үржар ауданының Бақты ауылын тексеру кезінде Өзбекстан Республикасының 6 азаматы анықталды, олар еңбек қызметін жүзеге асыруға уәкілетті органның рұқсатынсыз «көлік жуу» орнын салумен айналысты.
Аталған бұзушылық үшін шетелдіктер ҚР ӘҚБК-нің 517-бабы 5-бөлігі бойынша Қазақстан Республикасының шегінен шығарып жіберу түрінде әкімшілік жауапкершілікке тартылды.ШҚО ПД баспасөз қызметі
Шетелдік азаматтарды қабылдаған тұлға да жазадан тыс қалмады. ШҚО ПД баспасөз қызметінің хабарлуынша, ол ҚР ӘҚБтК-нің 519-бабы 1-бөлігі бойынша 30 АЕК айыппұл түрінде әкімшілік жауапкершілікке тартылды.
Жаңалықтан zakon.kz сайтында хабардар болыңыз:
Бөлісу
0
Толық оқу
