Доллар бағамы 2,49 теңгеге өсті

Қазақстан қор биржасы (KASE) 11:00-дегі жағдай бойынша доллардың орташа бағамы бірден 2,49 теңгеге көтеріліп, 428,59 теңге болғанын мәлімдеді, деп хабарлайды Zakon.kz

Кешегі саудада Ресей рублінің орташа сараланған бағамы 5,6971 (+0,0093) теңге, қытай юані 66,8389 (-0,2465) теңге болды. Еуро бойынша сауда-саттық болған жоқ.

Ақша айырбастау орындарында доллар 429 – 431,5 теңгеге, еуро 488 – 491,5 теңгеге, рубль 5,71 – 5,79 теңгеге сатылды/сатып алынды.

Ал 11 ақпандағы сауда барысында әлемдік мұнай бағасы төмендеді.

WTI маркалы мұнайдың наурыздағы фьючерстері 0,28%-ға төмендеп, барреліне 89,65 доллар болды.

Brent маркалы мұнайдың сәуірдегі фьючерстерінің құны 0,42%-ға арзандап, барреліне 91,03 доллар болды.