Орталық Азия елдерінің СІМ басшылары АҚШ-тың Мемлекеттік хатшысымен кездесті

С5+1 жоғары деңгейдегі кездесу, сурет - Zakon.kz жаңалық 28.02.2022 22:33

Сурет: gov.kz

«С5+1» жоғары деңгейдегі кездесуде өңірлік күн тәртібіндегі өзекті мәселелер талқыланды, деп хабарлайды Zakon.kz.

Америкалық тараптың бастамасы бойынша Қазақстан Премьер-Министрінің орынбасары - Сыртқы істер министрі Мұхтар Тілеуберді, Қырғызстанның Сыртқы істер министрі Руслан Казакбаев, Тәжікстанның Сыртқы істер министрі Сироджиддин Мухриддин, Өзбекстанның Сыртқы істер министрі Абдулазиз Камилов және АҚШ Мемлекеттік хатшысы Энтони Блинкеннің қатысуымен С5+1 форматында жоғары деңгейдегі онлайн кездесуі өтті.

Қатысушылар халықаралық және өңірлік күн тәртібіндегі өзекті мәселелерді, соның ішінде Украинадағы жағдайды және оның Орталық Азия өңіріне ықпалын талқылады.

Орталық Азия аймағы, сурет - Zakon.kz жаңалық 28.02.2022 22:33

Сурет: gov.kz

С5+1 форматы Орталық Азияның бес мемлекеті мен АҚШ арасындағы өзара іс-қимылдың көпжақты тетігі.

Келесі министрлік кездесу биыл Қазақстан астанасында Орталық Азия сыртқы саяси ведомстволарының басшылары мен АҚШ Мемлекеттік хатшысының қатысуымен өтеді деп күтілуде.

Оқи отырыңыз