Димаш «Қазақстанның жыл артисі» номинациясын жеңіп алды

Димаш, сурет - Zakon.kz жаңалық 05.03.2022 13:56

Сурет: instagram/kudaibergenov.dimash

Жыл сайын Қазақстанда Ticketon Award премиясы өтеді. Биыл бұл байқауда «Қазақстанның жыл артисі» номинациясы бойынша Димаш Құдайберген жеңімпаз атанды, деп хабарлайды Zakon.kz.

Ticketon Award – жыл сайын еліміздегі мәдениет, өнер және спорт саласындағы азаматтарды марапаттайтын премия. Биыл да кино, театр, спорт, концерттік қызмет, бизнес және қоғам саласындағы танымал қайраткерлер түрлі номинацияларда ұсынылды. Дауыс беруге барлығы 50 мыңға жуық адам қатысты.

Dimashnews.com cайтының мәліметінше, Концерттік қызмет бөліміндегі «Қазақстанның жыл артисі» номинациясына Imanbek, The Limba, «Ирина Кайратовна» шығармашылық бірлестігі, стендапер Сәуле Юсупова, актер Евгений Чебатков, «Ninety One» тобы, әнші Yenlik және музыкант Димаш Құдайберген ұсынылды.

Нәтижесінде «Қазақстанның жыл артисі» номинациясын Димаш Құдайберген жеңіп алды.

Бұл Димаштың Ticketon Award премиясындағы алғашқы сыйлығы емес. Осыған дейін әнші «Қазақстанның жыл артисі» және «Жылдың эстрадалық концерті» номинациясында көшбасшы болған.

Оқи отырыңыз