Димаш Құдайберген Ресейде жаңа бейнебаян түсіреді

Димаш Құдайберген Санкт-Петербургте екенін жазды, деп хабарлайды Zakon.kz.

Әнші Димаш Құдайберген Қытайдан Ресейге барды. Қазір ол Санкт-Петербургте. Жалпы Ресейде әнші екі аптадай болмақ. Бұл туралы ол Instagram-дағы парақшасында жазды.

Достар, осыдан бір-екі күн бұрын Қытайдан Ресейге жаңа әнге бейнебаян түсіруге ұшып келдім. Қазір Санкт-Петербург қаласындамыз. Ресейде 2 аптаға жуық уақыт боламын. Мұнда концерттерге, телешоуларға қатысамын. Баршаңызға жақсы көңіл-күй тіледім.Димаш Құдайберген

Еске сала кетейік, Димаш Құдайберген 25 наурызда Дубайда жеке концертін өткізеді.

Сонымен қатар әнші Минскіде концерт беретінін хабарлаған едік. 2 cәуір күні Минск аренада Димаш Құдайбергеннің жеке концерті өтеді.