Қазақстанда орташа жалақы 272 мың теңгеден асты

Сурет: Zakon.kz

Ұлттық статистика бюросының мәліметінше, 2022 жылғы ақпан айында бір қызметкердің орташа айлық жалақысы 272 968 теңгені құрады, деп хабарлайды Zakon.kz.

Халықтың орташа жан басына шаққандағы атаулы ақшалай табысы 2022 жылғы қаңтар айындағы бағалау бойынша 136 243 теңгені (алдын ала деректер) құрады, бұл 2021 жылғы қаңтармен салыстырғанда 11,5%-ға жоғары, көрсетілген кезеңдегі нақты ақшалай кірістер 2,8%-ға өсті. Ұлттық статистика бюросы

Бұл ретте бір қызметкердің орташа айлық атаулы жалақысы 2022 жылғы ақпандағы бағалау бойынша 272 968 теңгені құрады. Бір жыл ішінде қызметкердің орташа айлық жалақысы 18,6%-ға өсті.

Ақпан айында жұмыссыздар саны 451,3 мың адамды құрады. Жұмыссыздық деңгейі жұмыс күшінің 4,9% құрады.

Жұмыспен қамту органдарында жұмыссыз ретінде тіркелгендер саны 161,9 мың адамды немесе жұмыс күшінің 1,7%-ын құрады.

Оқи отырыңыз