Қызын аюға лақтырып жіберген әйелде психикалық ауытқу бар
Сурет: Zakon.kz
Осы жылдың қаңтар айында әйел 3 жасар қызын аю вольерына лақтырып жіберген. Абырой болғанда жануар балаға тиіспеді, бірақ қыз бес метрге жуық биіктіктен құлап зардап шекті. Құлаған соң балаға ашық бассүйек-ми жарақаты және ми шайқалу диагнозы қойылды. Қаңтар айының соңында ол ауруханадан шығып, туыстарының қарауына берілді.
РИА Новости агенттігінің хабарлауынша, прокуратура ананың үстінен «кісі өлтіруге оқталу» бабы бойынша қылмыстық іс қозғаған, онда кемінде 15 жыл бас бостандығынан айыру қарастырылған. Белгілі болғандай, әйел жүйке-психикалық диспансерде 2021 жылдың шілде айынан бері есепте тұрады.
Өзбекстанның бас прокуратурасы кешенді сот-психиатриялық-психологиялық сараптаманың қорытындысы бойынша күдіктінің жүре пайда болған психикалық ауытқушылықпен ауыратынын атап өтті. Бұл оның психикалық жағдайына байланысты тергеуде де, сотта да дұрыс айғақтар бере алмағанын көрсетеді.
Кейін Ташкенттегі жоғары оқу орындарының бірінде оқытушы болып жұмыс істейтін қыздың анасы Ресейге кеткен күйеуінің кесірінен күйзеліске түскені белгілі болды. Әйел мен оның екі баласына бірнеше рет әлеуметтік-құқықтық көмек көрсетілген.
Ведомствоның хабарлауынша, тергеу органдары әйелге қатысты «медициналық сипаттағы мәжбүрлеу шараларын» қолдану мәселесін шешу үшін істі сотқа жіберуді ұйғарды.
