Қазақ болмысының тарихы: хандардың өмірі мен қызметі туралы подкаст пайда болды
Сурет: MEGOGO
Подкастта жүргізуші Айым Тілепберген кәсіби тарихшылармен бірге олардың қызметін зерттейді. Аудио жобаны тыңдау тегін, қолжетімді.
Әр шығарылым тек Қазақ хандығының билеушісіне ғана емес, сонымен бірге тарихтағы белгілі бір кезеңге арналған. Аудиожоба Керей хан, Жәнібек хан, Қасым хан, Хақназар хан, Тәуекел хан, Есім хан, Жәңгір хан, Тәуке хан, Абылай хан, Кенесары хан сияқты хандар туралы баяндайды.
Сонымен бірге «KhanCast» тыңдармандары Қазақ хандығының пайда болуы мен қалыптасуы, гүлдену кезеңі, жерлердің бірігуі, мемлекет шекарасының нығаюы, қос өкімет, Орбұлақ өзеніндегі шайқас, «Жеті жарғы» заңдар жинағы, Қос бодандық және хан билігінің аяқталуы туралы біледі.
Біз қалыптасу кезеңдерін, тарихи тұлғаларды, дәуірлік шешімдерді бастан өткердік. «KhanCast» подкасты – тыңдаушыға еліміздің тарихи кезеңдерін еске түсіріп қана қоймай, халқымыздың тереңдігін, батылдығы мен бірегейлігін де көруге мүмкіндік береді. Өйткені, өткен кезеңдегі әрбір кезең-қазіргі Қазақстанның негізі. Бұл аудио жоба кәсіби тарихшылармен бірге нақты зерттеу болып табылады, нәтижесінде көптеген керемет фактілер келтірілген. MEGOGO Audio командасына және процестің барлық қатысушыларына осындай маңызды жұмыс үшін алғыс айтамын. Тыңдауға барлық ниет білдірушілерді шақырамын, – деді Орталық Азиядағы MEGOGO директоры Нұрлан Чукубаев.
Жобаның өндірісімен MEGOGO Audio тобы айналысты. Идеяның авторы және подкасттың продюсері – Елдар Құдайбергенов. Жүргізушісі мен редакторы – Айым Тлепберген. Кәсіби тарихшылар ретінде Қазақстан Республикасы Ұлттық Ғылым Академиясының академигі және Әл-Фараби атындағы ҚазҰУ профессоры Берекет Кәрібаев, тарих ғылымдарының кандидаты және профессор Лепуда Мұқатаева, тарих ғылымдарының кандидаты және профессор Гүлмира Сұлтанғазы, сондай-ақ М.С.Нәрікбаев атындағы КазГЮУ басшылығы қатысты. Дикторлар: Сергей Корносенков, Роза Арена, Жанар Керімбаева. Дыбыс Инженері-Павел Батяшин.
«KhanCast» бағдарламасын MEGOGO мобильді қосымшасының «Аудио» бөлімінде iOS және Android базасындағы смартфондарда және Android Auto және Apple CarPlay аудиожүйесі бар автомобильдерде тегін тыңдауға болады. Сондай-ақ, жоба Smart TV-де («Шоу» бөлімі) және MEGOGO веб-нұсқасында сілтеме бойынша қолжетімді.
