Елімізде жемқорлық ең көп тараған салалар аталды

жемқорлық, пара, коррупция Сурет: Zakon.kz
Әр бесінші сыбайлас жемқорлық қылмысы мемлекеттік сатып алу саласында жасалады. Бұл туралы ҚР Сыбайлас жемқорлыққа қарсы іс-қимыл агенттігі төрағасының орынбасары Ұлан Сарқұлов айтты, деп хабарлайды Zakon.kz.

Бюджет шығыстарының жалпы көлеміндегі мемлекеттік сатып алудың үлесі –шамамен 30%. Бұл Қазақстанның ЖІӨ құрылымының шамамен 5%-ы болады. Осының өзі нарыққа өте маңызды экономикалық әсерді көрсетеді. Бюджет қаражатының мұндай айналымы, Сарқұловтың айтуынша, мемлекеттік сатып алу жүйесінің сыбайлас жемқорлық тартымдылығын арттырады.

Мысалы, 2020 жылдан 2022 жылдың бірінші тоқсанына дейін 418 қылмыстық іс аяқталып, олар бойынша 162 адам сотталды. Талдау көрсеткендей, аталған қылмыстардың 80%-ға жуығы – бюджет қаражатын ұрлау, жалған орындалған жұмыс актілеріне қол қою және сатып алу жеңімпазын анықтау кезіндегі пара алу фактілері. Олар негізінен құрылыс, денсаулық сақтау, білім беру және мәдениет салаларында жүзеге асады.Ұлан Сарқұлов

Мысал ретінде ол Жалаңтөс баһадүр ескерткішін салуға қаражатты кедергісіз аударғаны үшін 1 миллион теңге көлемінде пара алған Қызылорда облысының мәдениет басқармасының басшысына қатысты сыбайлас жемқорлық ісін келтірді.

Агенттік 2021 жылы Атырауда Абай Құнанбаевтың ескерткішін жасау мен орнатуға келісім-шарт жасағаны үшін 4,5 миллион теңге көлемінде пара алды деген күдікке ілінген Атырау облысы әкімінің орынбасары Бақытгүл Хаменованы әшкереледі. Ескерткіш құны 145 млн теңге болған.

Бүгінде Атырау облысы әкімінің орынбасары Хаменоваға қатысты қылмыстық іс бойынша тергеу аяқталып, таныстыру басталды. Сонымен бірге сот пара алу фактісі бойынша Атырау облысы әкімінің бірінші орынбасары Таубаев пен облыстық құрылыс басқармасының басшысына қатысты қылмыстық істі қарап жатыр, – деді Сотқа дейінгі тергеу басқарма бастығының орынбасары Шамұрайт Шәменов.
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз