Бокстан Әлем біріншілігінде тағы екі отандық спортшы ширек финалға жолдама алды

Сурет: Instagram/karina__ibragimova

Отандық боксшы қыздар Карина Ибрагимова (57 кг) мен Алуа Балқыбекова (48 кг) Түркияда өтіп жатқан Әлем біріншілігінің ширек финалына шықты, деп хабарлайды Zakon.kz.

Карина Ибрагимова 1/8 финалда испаниялық Дженнифер Ромероны айқын басымдықпен жеңді. Есеп - 5:0. Енді алда ол Валерий Ерошенко (Украина) – Микаэла Уолш (Ирландия) кездесуінен кейінгі жеңімпазбен қолғап түйістіреді.

Тағы бір спортшымыз Алуа Балқыбекова сербиялық Снежана Сильковичті ұтып, ширек финалға жолдама алды. Есеп - 5:0. Бұдан кейін ол Үндістан өкілімен бақ сынасады.

Сурет: Instagram/balkibekovaas

Бұған дейін Валентина Халзова (70 кг) мен Гүлсая Ержан (81 кг) 1/4 финалға жолдама алған болатын. Сондай-ақ, екі қазақстандық спортшының ширек финалға шығу мүмкіндігі бар: Дина Жоламан (54 кг) мен Жайна Шекербекова (52 кг).

Оқи отырыңыз

Әмір Омарханов Грузиядағы ITF Juniors турнирінің абсолютті чемпионы атанды

Аргентиналық жанкүйерлер футбол матчын отшашу мерекесіне айналдырды

Қазақстандық теннисші Бейбіт Жұқаев АҚШ-тағы жарыстың финалында жеңіліп қалды

Камшат Сатиева

Түркия