Нұр-Сұлтанда бір топ әйел жолды жауып тастады

әйелдер жолды жапты, сурет - Zakon.kz жаңалық 18.05.2022 13:09

Сурет: видеодан скриншот

Әлеуметтік желіде Нұр-Сұлтандабір топ әйел жолды жауып тастаған видео пайда болды. Алматы ауданының әкімдігі оқиғаға қатысты түсініктеме берді, деп хабарлайды Zakon.kz.

Instagram парақшаларының бірінде жарияланған ақпаратқа сәйкес, әйелдер мұндай қадамға Армандастар көшесінде орналасқан «Ескендір» тұрғын үй кешенінде жарық пен су болмағандықтан барған.

Zakon.kz редакциясы түсініктеме алу үшін Алматы ауданының әкімдігіне жүгініп, оқиғаның 17 мамырда болғанын анықтады.

Тұрғын үй алабында Көлік және жол-көлік инфрақұрылымын дамыту басқармасының мердігер ұйымының әрекеті нәтижесінде кабельдің зақымдалуынан төтенше жағдай орын алды. Апат салдарын жоюға барлық қызметтер жұмылдырылды. Нұр-Сұлтан қаласы Алматы ауданы әкімдігінің баспасөз қызметі

Ведомстводағылар апат жойылып, сағат 22:45-те электр жарығы қалпына келтірілді деп сендірді.