Мемлекет басшысы Саяси қуғын-сүргін және ашаршылық құрбандарының рухына тағзым етті

Қасым-Жомарт Тоқаев елордадағы «1932-1933 жылдардағы ашаршылық құрбандарына тағзым» монументіне гүл шоғын қою рәсіміне қатысты, деп хабарлайды Zakon.kz.

Президент ескерткішке гүл шоғын қойып, саяси қуғын-сүргін және ашаршылық кезінде құрбан болғандардың рухына тағзым етті.

Сурет: akorda.kz

Осы іс-шараға нәубет жылдары зардап шеккен отандастарымыздың жақындары мен туыстары қатысты.

Таңертең президент Нұр-Сұлтандағы «Хазірет Сұлтан» мешітіне барып, қуғын-сүргін және ашаршылық құрбандарының рухына құран бағыштады.