Валентина Шевченко UFC чемпионы атағын жетінші рет қорғап қалды

UFC, сурет - Zakon.kz жаңалық 12.06.2022 11:50

Сурет: Instagram/ufcrussia

Сингапурде өтіп жатқан аралас жекпе-жектен UFC 275 турнирінде қырғызстандық Валентина Шевченко жеңіл салмақта әйелдер арасындағы Лига чемпионы атағын жетінші рет қорғап қалды, деп хабарлайды Zakon.kz.

Ол бразилиялық Тайла Сантоспен төбелесті.

Жекпе-жек тартысты өтіп, бес раунд қорытындысы бойынша әділ қазылар 48:47, 47:48, 49:46 ұпайын берді. Осылайша Валентина жеңіске жетіп, жетінші рет UFC титулын қорғады.

Шевченко үшін бұл үш жеңіліспен кәсіпқой мансабындағы 23-ші жеңісі болды.

Ал бұл күнгі басты оқиға жартылай ауыр салмақтағы UFC чемпионы Гловер Тейшейраның екінші дивизиондағы чех Иржи Прохазкамен арадағы жекпе-жек болды.

Қанды жекпе-жек бесінші раундтың аяқталуына бір минут қалғанда мәреге жетті, чехиялық файтер бразилиялықты тұншықтырып, UFC-дің жаңа чемпионы атағын жеңіп алды.