Талғарда пышақтасумен тынған төбелес видеоға түсіп қалған

Әлеуметтік желі Сурет: Instagram/kris_p_talgar_2
Әлеуметтік желіде бірнеше жас жігіттің алдымен өзара сөзге келіп, төбелесіп, содан соң пышаққа кезек берген видеосы жарияланды, деп хабарлайды Zakon.kz.

Видеода үш жігіт үйінің алдындағы орындықта отырған адамдарға тап береді. Жанжал подъезде әрі жалғасады. Ақырында пышаққа кезек беріледі.

Полиция аталған оқиғаға қатысты берген түсініктемесінде оның 12-сінен 13 маусымға қараған түні Талғар ауданындағы Бесағаш ауылында "Аспан Сити" тұрғын үй кешені алдында болғанын айтты.

Фактіге сәйкес, ҚР ҚК 293-бабы ("Бұзақылық") бойынша қылмыстық тергеу амалдары қолға алынды. Іс материалдарында зардап шеккендер ретінде бес жергілікті тұрғын көрсетіледі, олардың екеуі түрлі жарақаттармен ауруханаға жатқызылған. Алматы облысының баспасөз қызметі

Қазір полиция қызметкерлері видеоны зерттеп, куәгерлерден сұрақ-жауап алуда. Күдіктілердің бірі анықталып, ұсталғаны айтылады. Төбелеске қатысқандардың қалғанын анықтауға және ұстауға бағытталған жедел-іздестіру іс-шаралары жүргізіледі.

Қылмыстық істі тергеу облыстық полиция басшылығының ерекше бақылауына алынған.

Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз