Екібастұздағы жаппай төбелес видеоға түсіп қалған

26 маусымда әлеуметтік желіде Екібастұзда лаунж-бардың жанында болған жаппай төбелестің видеосы пайда болды, деп хабарлайды Zakon.kz.

Видео kriminal_kazakhstan Telegram каналында жарияланған.

Облыстық полиция департаментінде Zakon.kz тілшісіне хабарлағандай, екібастұздық полицияға 25 маусым күні сағат 03:11-де бір топ адамның төбелескені туралы қоңырау келіп түскен.

"Аталған факті бойынша ҚР Қылмыстық кодексінің 293-бабы 2-бөлігі бойынша сотқа дейінгі тергеп-тексеру басталды, оның қорытындысы бойынша оқиғаға барлық қатысушылардың әрекетіне құқықтық баға беріледі. Оқиғаның мән-жайы мен себептері анықталуда". Павлодар облысы ПД баспасөз қызметі