Ақтауда бардың жанында жаппай төбелес болды

төбелес, сурет - Zakon.kz жаңалық 18.12.2023 10:19

Сурет: видео скрині

Ақтаудағы 19-ықшамаудандағы бардың маңында ер адамдардың төбелесіп жатқан сәті видеоға түсіп қалған. Жаппай төбелестің кадрлары әлеуметтік желіде тарап кетті, деп хабарлайды Zakon.kz.

"Лада" басылымы 17 желтоқсанға қараған түні спорт барына келушілер арасында төбелес болғанын жазды. Жанжал мекеменің кіре берісіндегі көшеде болған.

Кадрлардан оқиға орнына бірінші жедел әрекет етушілер келгенін байқауға болады. Тіпті олардың өзі ерлердің арасындағы текетіресті тоқтата алмаған, біреуі тасты ұстап төбелеске кіріп, онымен қарсыласын соққан. Көп ұзамай полиция қызметкерлері келіп, оқиғаға қатысушыларды ұстады.

"Полиция бөліміне 33 және 34 жастағы күдіктілер жеткізілді, бұл факт ҚР Қылмыстық кодексінің 293-бабының 2-бөлігі бойынша "Бұзақылық" бойынша сотқа дейінгі тергеп-тексерудің бірыңғай тізіліміне тіркелді". Маңғыстау облыстық полиция департаментінің баспасөз қызметі

Қазір тергеу амалдары жүргізіліп жатыр.

Төбелеске қатысушыларға 5 мың АЕК мөлшерінде айыппұл салу немесе сол мөлшерде түзеу жұмыстарын жүргізу, не 1200 сағатқа дейін қоғамдық жұмыстарға тарту, не бес жылға дейін бас бостандығын шектеу, не сол мерзімге бас бостандығынан айыру жазасы қарастырылуы мүмкін.

Оқи отырыңыз