АҚШ-та жүк машинадан 46 мигранттың мәйіті табылды

полиция көлігі, сурет - Zakon.kz жаңалық 28.06.2022 14:52

Сурет: pixabay

АҚШ-тың Техас штатының Сан-Антонио қаласының шетінде тұрған жүк машинасынан 46 мигранттың мәйіті табылды. Тағы 16 адам ауруханаға жеткізілген. Олардың ішінде 4 бала бар, деп хабарлайды Zakon.kz.

Тірі қалғандардың аптап ыстықтан қатты зардап шеккені белгілі болды. Ал, жүргізушісі тастап кеткен көлікте желдеткіш жұмыс істемеген және ауызсу жоқ.

Қаза тапқандардың екеуі – гватемалалықтар, қалғандарының азаматтығы белгісіз, деп жазады qazaqstan.tv.

Сан-Антони АҚШ-Мексика шекарасынан 250 шақырым жерде орналасқан. Адам саудагерлері үшін негізгі транзиттік жол осы қала арқылы өтеді.

Қылмыстық топтар құжаты жоқ мигранттарды Құрама Штаттарға тасымалдау үшін жүк машиналарын жиі қолданады.

Оқиғаға байланысты үш адам қамауға алынып, қазір олар тергеліп жатыр.

Оқи отырыңыз