Пышақпен өз әйелі мен енесіне шабуылдаған ер адамды Ұлттық ұлан сарбазы қолға түсірді

Оқыс оқиға Сурет: polisia.kz
Алматыда өзінің әйеліне, одан кейін оның шешесіне тап беріп, сабаған ер адамды Ұлттық ұланның №5571 әскери бөлімінің әскери қызметшісі залалсыздандырып, ұстады, деп хабарлайды Zakon.kz.

Полиция болған оқыс жайттың мән-жайын айтып берді. 18 шілде күні сағат түнгі 23.50 кезінде Ұлттық ұланның 5571 әскери бөлімінің әскери қызметшісі Жарқынбек Айдарханбеков отбасымен үйінде отырғанда сырттан айғай-шуды естиді. Жүгіріп шыққанда Қалқаман-2 ықшам ауданындағы Лапин көшесі, 21 үй алдына белгісіз ер адамның әйелге тиісіп жатқанын көреді. Сол уақытта әйелге көмекке келген тұрғын да зардап шекккен.

Аға сержант Айдарханбеков көмек көрсету үшін дереу оқиға орнына қарай жүгіріп барады. Қылмыскер сарбазды көріп, сол маңдағы зиратқа қарай қашады. Ұландық жауынгер оның соңынан қуып, жол-жөнекей жедел жәрдем мен полиция қызметіне хабар береді.

Жарқынбек сытырлаған дыбыс пен ентіккен даусынан қылмыскерді отырған жерінен ұстап алады. Жедел медициналық көмек пен полиция қызметкерлері келгенше, тұтқынды ұстап тұрады.

Ойланып тұратын уақыт болған жоқ. Бар байқағаным, қыз бала жерде әлсіреп жатты. Не болса да оны қолға түсіруді көздедім. Мұндай жауыздық жазасыз қалмау керек, – дейді сарбаз.

Аға сержант Айдарханбеков ұсталған қылмыскерді оқиға орнына келген полиция қызметкерлеріне тапсырған. Зардап шеккен әйелдерге алғашқы медициналық көмек көрсетіліп, ауруханаға жеткізілді.

Алматы қаласы ПД-ның хабарлауынша, аталған факті ҚР ҚК-нің 106-бабы 2-бөлігі бойынша сотқа дейінгі тергеп-тексерудің бірыңғай тізілімінде тіркелді.

Күдікті 31 жастағы ер адам ұсталып, уақытша ұстау изоляторына қамалды. Қазіргі уақытта Наурызбай аудандық Полиция басқармасы істің мән-жайларын анықтау үшін жан-жақты толық тергеуге бағытталған іс-шараларды жүргізіп жатыр, – деді полициядағылар.
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз