Парламентпен қоштасқан Борис Джонсон «Терминатор-2» фильмінен дәйексөз келтірді
Сурет: Instagram/borisjohnsonuk
"Терминатор-2: Қиямет күні" фильмінен дәйексөз келтірген Джонсон мұнымен өз миссиясын мүлтіксіз орындағанын жеткізгісі келген секілді, деп хабарлайды Sky News.
Төраға мырза, сізге және Қауымдар палатасының барлық тамаша қызметкерлеріне алғысымды білдіремін, барлық достарым мен әріптестеріме, қарсы беттегі досыма (Оппозициялық британдық Еңбек партиясының жетекшісі) алғысымды білдіремін, бір сөзбен айтқанда, барлықтарыңызға рахмет. Және hasta la vista, baby. Борис Джонсон
Бұл дәйексөз, америкалық кино өнері институтының мәліметтері бойынша, 100 жылдағы америкалық фильмдердің ең танымал 100 дәйексөздерінің тізімінде 76-шы орында тұр.
Ұлыбританияның экс-премьерінің стандарттан тыс көп алдындағы сөзі зор қошеметке ие болды, алайда тек консерваторлар тарапынан, ал лейбористер қол шапалақтаудан қалыс қалды.
Сондай-ақ Джонсон өз ізбасарына бірнеше кеңестер берді, атап айтқанда "америкалықтарға жақын болу, украиндықтарға, бостандық пен демократияға барлық жерде шапағат ету", сонымен қатар салықтарды азайту және болашаққа апаратын жолға барынша ден қою, дегенмен арасында айнадан артқы жақты да бағдарлап қоюды ұмытпау" сынды сөздер айтылды.
Борис Джонсон 7 шілдеде Ұлыбританиядағы саяси дағдарыстың салдарынан отставкаға кетті. 11 консерватор Үкімет басшысын ауыстыруға ерік білдірді. Даунинг-стриттегі орынтаққа дауыс берудің төрт турының қорытындысы бойынша үш үміткер үмітін үкіледі: Қаржы министрлігінің бұрынғы басшысы Риши Сунак, халықаралық сауда министрінің орынбасары Пенни Мордонт және Ұлыбритания СІМ басшысы Лиз Трасс. 20 шілдеде дауыс берудің бесінші кезеңі өтеді, оның барысында депутаттар қалуы тиіс екі адамды анықтайды.
