Қазақстандық ауыр атлеттер Азия чемпионатында тағы бес медаль жеңіп алды

ауыр атлеттер, сурет - Zakon.kz жаңалық 25.07.2022 10:21

Фото: Instagram/wf_rk

Ташкентте өткен ауыр атлетикадан жастар мен жасөспірімдер арасындағы Азия чемпионатының соңғы күндерінде қазақстандық спортшылар түрлі номинацияда бес медаль жеңіп алды, деп хабарлайды Zakon.kz.

Жастар арасында 102 келіге дейінгі салмақ дәрежесінде қазақстандық Никита Әбдірахмановқа тең келер ешкім болмады. Спортшы екі жаттығуда: жұлқа көтеруде және серпе көтеруде үздік болып, барлығы 354 келі (158+196) нәтижемен жеңіске жетті.

Қазақстан құрамасының қоржыны да 4 қола жүлдемен толықты. Бұл медальдарды Қыпшақбай Динара (81 келіге дейін), Жолтай Санжар (102 келіден жоғары), Клим Башаргин (89 келіге дейін) және Егор Шерер 81 келіге дейінгі жасөспірімдер арасындағы Азия чемпионатының үздік үштігіне енді.

Оқи отырыңыз