Биыл 400 мың бала 1-сыныпқа барады: құжат тапсыру аяқталды

Сурет: Zakon.kz

Қазақстанда балаларды 1-сыныпқа қабылдау науқаны аяқталды. Құжат қабылдау кезеңі 4 айға созылған еді. Осы уақытта қазақстандықтар шамамен 400 мың өтініш беріп үлгерді, деп хабарлайды Zakon.kz

Оқу-ағарту министрлігінің хабарлауынша, балалардың 70%-дан астамы мемлекеттік тілде оқуды таңдады.

Бірінші сынып оқушыларының басым бөлігі Абай, Шығыс Қазақстан, Батыс Қазақстан, Қостанай және Қарағанды облыстарында, сонымен қатар Нұр-Сұлтан, Алматы және Шымкент қалаларында тіркелді.

Енді мектептер оқу-тәрбие үрдісін сапалы дайындау мен ұйымдастыруға, сынып жиынтықтарын қалыптастыруға кіріседі. Балаларды қазақ тілінде оқытатын сыныптарға қамтудың жоғары көрсеткіші Қызылорда (89,6%), Ұлытау (86,6%), Маңғыстау (86,2%), Жамбыл (80,4%) облыстарында байқалады, – деді ҚР Оқу-ағарту министрлігі Мектепке дейінгі және орта білім комитеті төрағасы Гүлмира Кәрімова.

Өтініштерді қабылдау тәртібі автоматтандырылған және ата-аналар құжаттарды дәстүрлі форматта да, онлайн форматта да тапсыра алды. Өтініштердің 80%-ы электронды форматта берілді.

Оқи отырыңыз