Ақтау әкіміне сөгіс жарияланды

Маңғыстау әкімі, сурет - Zakon.kz жаңалық 09.08.2022 18:38

Сурет. Маңғыстау облысы әкімдігі

Маңғыстау облысының әкімі Нұрлан Ноғаев жедел кеңесте қала әкімі Нұрдәулет Қилыбайға қатты тұрмыстық қалдықтарды (ҚТҚ) шығару және қаланы санитарлық тазалау жұмысын нашар ұйымдастырғаны үшін сөгіс жариялады, деп хабарлайды Zakon.kz.

Елді мекендердің санитарлық жағдайы алаңдатады. Ақтаудың ластануына жол бермеу керек. Telegram чатына түскен шағымдардың көбі қоқыс жинау және шығару мәселесіне қатысты. Қалдықтарды уақытылы жинамау қаланың көркі мен тұрғындардың денсаулығына кері әсерін тигізіп жатыр. Бұл – қала әкімінің жұмысын дұрыс ұйымдастырмаудың салдары.Маңғыстау облысының әкімі Нұрлан Ноғаев

Аймақ басшысы Ақтау қаласының әкіміне, оның орынбасарына және тұрғын үй-коммуналдық шаруашылық бөлімінің басшысына «жұмысты дұрыс ұйымдастырмағаны үшін» сөгіс жариялады.

Өңірде елді мекендердің санитарлық жағдайы мен тұрмыстық қатты қалдықтарды уақытылы шығару мәселесі өткір тұр. Маңғыстаудың тарихи, мәдени және табиғи көрікті жерлерін туристер де, тұрғындар да тамақ қалдықтарын тастап, ластап жатыр. Кейінгі кездері облыс орталығындағы тұрғындардан қоқыс жиналып жатқанына байланысты шағымдар көбейіп кетті.

Сонымен қатар қатты тұрмыстық қалдықтардың уақытылы шығарылмауы жақын маңдағы Мұнайлы ауданы мен Түпқараған ауданы Ақшұқыр ауылының тұрғындарын алаңдатып отыр.

Оқи отырыңыз