Елімізде жетім балаларды қонақ ретінде отбасыға жіберу тәртібі өзгерді

бала, сурет - Zakon.kz жаңалық 25.08.2022 10:59

Сурет: pexels

Оқу-ағарту министрінің 18 тамыздағы бұйрығымен бірқатар құжаттарға, атап айтқанда баланы (балаларды) қонақ отбасына беру туралы шартқа өзгерістер енгізілді, деп хабарлайды Zakon.kz.

Осылайша Қазақстан аумағында тұрақты тұратын, тиісті психологиялық дайындықтан өтпеген қазақстандықтар қонақ отбасы ретінде балаларды қабылдай алмайтыны туралы қосымша енгізілді.

Сонымен қатар баланы қонақ ретінде отбасыға алуға ниет білдірген адам өзінің тұрғылықты жері бойынша уәкілетті органға жетім балалар мен ата-анасының қамқорлығынсыз қалған балаларды отбасына қабылдауға ниет білдірген адамдар оқытудан өткені туралы анықтаманы тапсыруы керек екені айтылады. Алайда бұл жақын туыстарға қатысты емес.

Бұл ретте қонақ отбасы туралы ережеге жақын туыстар тізімі қосылды. Бұл ата-аналар, балалар, асырап алушылар, асырап алынғандар, толық және толық аға-інілері мен апа-сіңлілері, атасы, әжесі, немерелері.

Сонымен қатар ата-ана құқығынан бас тарту және баланы асырап алуға келісім беру туралы арыздың нысаны өзгерді.

Бұйрық 2022 жылғы 3 қыркүйекте күшіне енеді.

Оқи отырыңыз