Жетісайда базар өртенді

Түркістан облысы, жетісай, "Күлпаршын" базары, сурет - Zakon.kz жаңалық 26.08.2022 13:40

Сурет: gov.kz

Жетісайдағы базарда алапат өрт шығып, жалын 900 шаршы метр аумақты шарпыды. Оқиғаның себептерін анықтап, зардап шеккендерге көмек көрсету үшін комиссия құрылды, деп хабарлайды Zakon.kz.

Бүгін сағат 03:00-де Жетісай қаласындағы "Күлпаршын" базарының аумағында ауданы 500 шаршы метр болатын жеке тұрған бір қабатты ғимаратта және ауданы 400 шаршы метр қалқаның астында орналасқан аумақтан өрт шықты. Базардың жалпы ауданы – 2500 шаршы метр. Өрт таңғы сағат 05:20-да ауыздықталып, 07:35-те сөндірілді. Зардап шеккендер жоқ. Өрттің шығу себебі анықталып жатыр.Түркістан облысы әкімдігінің баспасөз қызметі

Ведомство желден өртті сөндіру қиын болғанын хабарлады.

Жалынды сөндіруге 47 өрт сөндіруші мен 16 техника жұмылдырылды.

Түркістан облысының әкімі Өмірзақ Шөкеевтің тапсырмасы бойынша оқиға себептерін анықтау және өрттен зардап шеккендерге көмек көрсету жөніндегі комиссия құрылды. Оған облыс әкімінің орынбасары Сәкен Қалқаманов жетекшілік етеді. Түркістан облысы әкімдігінің баспасөз қызметі

Әкімдіктің хабарлауынша, комиссия зардап шеккендердің санын есептеп, материалдық залалды бағалайды.

Қазіргі уақытта базардың басшылығы мен құрылтайшылары және аудан билігі сатушылармен кездесті. Мәселе бақылауға алынды. Түркістан облысы әкімінің баспасөз қызметі

Оқи отырыңыз