Ұлыбритания мұнай мен газды Солтүстік теңізде өндіруді ұсынды

Еуропа, Ұлыбритания, газ, мұнай, сурет - Zakon.kz жаңалық 30.08.2022 10:58

Сурет: pixabay

Еуропа мен корольдіктің өзінде газ тапшылығы электр станцияларының тұрақты жұмысына қауіп төндіретіндіктен, ел электр қуатын өндіруде іркілістерге тап болуы мүмкін, деп хабарлайды Zakon.kz.

Ұлыбританияның сыртқы істер министрі әрі премьер-министрлікке үміткер Лиз Трасс сайлауда жеңіске жеткен жағдайда Солтүстік теңізде мұнай мен газ өндіруге, сондай-ақ жаңа кен орындарын игеруге бұрғылау лицензияларын беруді мақұлдайтынын айтты, деп жазды «Известия».

Ұлыбритания Сыртқы істер министрлігінің басшысы 130-ға жуық лицензияны бекіте алады. Дегенмен, мамандар бұл энергия бағасын тез төмендетуге көмектеспейді деп есептейді.

Ұлыбритания билігі ел ішінде энергия ресурстарын өндіруді арттыруға бағытталғаны атап өтілген. Сонымен қатар Норвегиядан қосымша газ жеткізуді тарту жоспарланды.

Бұған дейін Ұлыбританияда алдағы қыста электр қуатын өшіру қаупі төніп тұрғаны хабарланған болатын.

Оқи отырыңыз