Ұлыбритания қазақстандық мұнай мен газды экспорттау жолдарын іздестіруде көмекке дайын

Мұнай, сурет - Zakon.kz жаңалық 18.03.2023 12:24

Сурет: pixabay

Ұлыбритания СІМ басшысы Джеймс Клеверли 2023 жылғы 18 наурызда Қазақстанға мұнай мен газ болсын, жалпы қазақстандық өнімдерді экспорттаудың баламалы жолдарын іздеуде "Орта дәліз" жобасын қолдау бағытында көмекке дайын екенін мәлімдеді, деп хабарлайды Zakon.kz.

Джеймс Клеверли Ұлыбритания қазақстандық экономикалық базаны қорғау және әртараптандыру тәсілдерін зерделеу үшін Қазақстан Үкіметімен арадағы жұмысты жалғастыратынын атап өтті. Өйткені бұл олардың мүддесіне сай келеді, яғни "Қазақстанның халықаралық әріптестермен жұмыс істеудің бірқатар баламалы жолдарының болғаны".

"Қазақстандық мұнай мен газ тасымалындағы кідірістерге қатысты талқылауға қатысқан кезім болды. Біз Ұлыбритания қазақстандық өнімдерді экспорттаудың баламалы жолдарын анықтаушы "Орта дәліз" жобасын қолдауға көмектесу үшін не істей алатыны туралы айттық. Британдық тәжірибенің, инвестициялардың көмегі арқылы. Біз диверсификация мүмкіндіктерін дамытуда белсенді рөл ойнаймыз". Джеймс Клеверли

Сондай-ақ ол Украинаның аумақтық тұтастығын қолдауға қатысты Қазақстанның ұстанымына жоғары баға берді.

Оқи отырыңыз