ІІМ ел азаматтарына заңда орманды бүлдірушілерге жаза қарастырылғанын еске салды

ҚР Ішкі істер министрлігі қолданыстағы заңнамаға сәйкес ормандарды жою немесе зақымдау үшін қылмыстық жауапкершілік қарастырылғанын ескертеді, деп хабарлайды Zakon.kz.

ҚР ІІМ Тергеу департаменті басқармасының бастығы Ермек Шүлден осы мәселеге қатысты видео үндеу жолдады.

Өртеу немесе өзге де тәсіл, оның ішінде қалдықтармен және зиянды шығарындылармен ластау арқылы орман қорына жататын және жатпайтын ағаштар мен бұталарды қасақана жою немесе бүлдіру ҚР Қылмыстық кодексінің 341-бабымен сараланады. Бұл қылмыс ауыр қылмыс санатына жатады және оған сәйкес, құқықбұзушының мүлкі тәркіленіп, 8 жылға дейін бас бостандығынан айыру жазасына тартылады. ҚР ІІМ Тергеу департаменті басқармасының бастығы Ермек Шүлден