Сотталған ұзақ жылдар бойы сақтап келген құпиясын айтып берді

Жасырған қару табылды Сурет: polisia.kz
ШҚО бойынша ҚАЖД ОВ-156/6 мекемесінің жедел бөлімінің қызметкерлері Шемонаиха ПБ және Первомай кентінің полиция бөлімі қызметкерлерімен бірлесіп қараусыз қалған ғимаратта жасырылған қаруды тәркілеу бойынша іс-шара өткізді, деп хабарлайды Zakon.kz.

ШҚО бойынша ҚАЖД ОВ-156/6 мекемесінің жедел бөлімі қызметкерлерінің үйлесімді жұмысының арқасында қауіпсіздігі жоғары түзеу мекемесінде жазасын өтеп жатқан, 10 жылға бас бостандығынан айырылған сотталған Ю. өзінің қылмыстық өткен өмірін түпкілікті жоюға шешім қабылдап, бұрынғы бұзылған ғимаратта жасырылған қару туралы айтып берді.

Бұрын мен бостандықта жүргенімде досымды кездестірдім, екеуміз бір бөтелке сыра сатып алып, бұзылған ғимаратқа бардық. Оның қолында матаға оралған зат болды, мен одан “бұл не?” деп сұрадым. Ол маған “бұл мылтық” деп жауап берді және оны кейінірек, қажет болған кезде алып кету үшін оны жасыру үшін келгенін айтты. Қараусыз қалған ғимаратта ол мылтықты жасырып, тастар мен қабырға қоқыстарын лақтырып, бетін үйінді топырақ, тастармен жауып кетті. Содан кейін біз үйлерімізге қайттық, алты айдан кейін жазда мені тергеу изоляторында жаңа қылмыстық іс бойынша қамауға алды. Сол уақыттан бері мен ол танысымды көрмедім. Мен балалар мен жасөспірімдердің біз жасырып кеткен қаруды тауып алғанын қаламаймын, – дейді сотталушы.

ШҚО бойынша ПД Шемонаиха ауданы ІІБ Первомай кентінің полиция бөлімінің қызметкерлері осы факті бойынша ҚР ҚК 287-бабында көзделген қылмыстық құқық бұзушылық белгілері бойынша сотқа дейінгі тергеп-тексеру амалдарын бастады. Сараптама қорытындысына сәйкес, тәркіленген қару тегіс ұңғылы аңшы мылтығы, ИЖ-18 ем, 28 калибрлі, зауыттық нөмірі бар, атуға жарамды болып шықты.

Қаруды тәркілеу – ауқымды іс-шара. Өткізілген іс-шараның мақсаты – жедел жағдайды сауықтырып, атыс қаруы мен оқ-дәрілерді қолдану арқылы жасалған қылмыстардың алдын алу және ашу. Әрине, Первомай кентінің полиция бөлімшесінің қызметкерлерінің атсалысуы арқасында қаруды тәркілеу жұмыстары сәтті өтті. Тәжірибе көрсеткендей, мұндай жұмыс еліміздегі қылмыстық жағдайды жақсартуға оң әсер етеді, – дейді мекеме бастығының тәртіп және жедел бөлімінің орынбасары Айқын Битимбаев.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз