Қазақстанда сим-картаны тіркеу кезінде биометриялық тексеруден өту міндеттелмек

Сим-карта Сурет: pixabay
Қазақстандықтар енді қалағанынша сим-карта ала алмайды. Әр нөмірдің иесі биометриялық тексерістен өткізіліп қана тіркелуге тиіс. Өйткені соңғы уақытта шетелден түрлі нөмірмен хабарласып елдің мазасын алатын алаяқтар көбейген, деп хабарлайды Zakon.kz.

Нөмір тіркелмегендіктен, оларды табу да оңай емес. Алаяқтар тіпті цифрлық даму министрін де жиі мазалайды екен, деп хабарлайды КТК телеарнасы. 

Иә, маған да алаяқтар хабаралсады. Бірақ мен өте қарапайым тактика қолданамын. Алаяқ екенін білген бойда, оларға қазақша жауап беремін. Амалсыздан телефонын қоюға мәжбүр болады. ҚР Цифрлық даму, инновациялар және аэроғарыш өнеркәсібі министрі Бағдат Мусин

Алаяқтар көбіне қазақстандық жүздеген нөмірді сатып алып шетел асып кетеді. Сөйтіп роумингке қосылып, түрлі жымысқы әрекетін жүзеге асырады. Банктердің атын жамылып несие алдыртады немесе «заттай сыйлық ұтып алдыңыз» деген сылтаумен қарызға батырады. Ал бұл қоңыраулар шетелден түскеннен кейін қолға түсіру қиын.

Қазір құзырлы мекемелер мен жекеменшік операторлар бірігіп алдын алу шарасын жүргізіп жатыр. Өйткені алаяқтар ұялы телефонды қойып, үй нөміріне де хабарласа бастаған. Сондықтан бұдан былай жаңа сим-карта аларда немесе нөмірді тіркегенде, міндетті түрде биометриялық ақпарат сұралады. Адамның бет-жүзі сканерден өткізіліп, анықталады. Бұл талап ескі нөмірлерге де қатысты.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз