Жаңалықтар тізбегі
0

Нұр-Сұлтанда қашан жылу беріледі

жылу, үйді жылыту, батарея, сурет - Zakon.kz жаңалық 15.09.2022 15:48 Сурет: Zakon.kz
Астаналық Отын-энергетика кешені және коммуналдық шаруашылық басқармасы басшысының орынбасары әкімдікте өткен брифингте Нұр-Сұлтанда жылу беру маусымы қашан басталатынын айтты, деп хабарлайды Zakon.kz.

Бағдат Байсадықов елорданың тыныс-тіршілігін қамтамасыз ету нысандарын жаңа жылу маусымына дайындау бойынша жоспарлы жұмыс жүргізіліп жатқанын айтты.

Білім беру және денсаулық сақтау нысандарын дайындау соңғы кезеңде. Олар бойынша жұмыстарды 23 қыркүйекке дейін аяқтау жоспарланған. Тұрғын үй қорына келсек, әзірлік 85% – 2999 үйдің 2557-сі дайын. Әкімдік МӘС және сервистік компаниялармен бірлесе отырып, осы үйлерді дайындау бойынша белсенді жұмыс 3степ жатыр.Бағдат Байсадықов

Жалпы оның айтуынша, жылу берудің белгіленген мерзімі жоқ: елордада жылу сыртқы ауаның орташа тәуліктік температурасы бес күн бойы +10 градус және одан төмен болған кезде беріледі. Тиісті шешімді қала әкімдігі қабылдайды.

Сонымен қатар ол кейінгі екі жылда Нұр-Сұлтанда жылу беру маусымы қыркүйек айының соңында басталғанын айтты.

Тұрғындарды көмірмен қамтамасыз ету мәселесіне тоқталған спикер қалада 14 сауда орны барын, онда сегіз сатушы компания өз қызметін жүзеге асыратынын айтты.

Бүгінде тұрғындар үшін 20,8 мың тоннадан астам көмір қоры бар. Күннің күрт суытуы кезінде халықты дүрліктірмеу үшін тұрғындардан көмірді бүгіннен бастап сатып алуды сұраймыз.Бағдат Байсадықов
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: