Қазақстандықтар интернеттегі ақауларға әлі де шағымданып жатыр

интернет Сурет: Zakon.kz
Бірнеше күннен бері Қазақстанның әр өңірінде интернет жұмысында ақаулар байқалып жатыр, деп хабарлайды Zakon.kz.

Атап айтқанда, fқауларға барлық қазақстандық байланыс операторларының пайдаланушылары шағымданып жатыр.

Дегенмен кеше, 28 қыркүйекте Tele2, Kcell және Beeline Қазақстан баспасөз қызметтері операторлардың желілері қалыпты жұмыс істеп тұрғанын, мәселе операторлар жағында емес, жаһандық екенін айтып, хабарлағанын еске сала кетейік.

Кейін "Мемлекеттік техникалық қызмет" АҚ Қазнетке, атап айтқанда, мемлекеттік органдардың сайттарына кибершабуыл бірнеше күннен бері жалғасып жатқанын, соның салдарынан интернетке кеш қосылу болып жатқанын хабарлады. "МТҚ" АҚ ұсынған болжамға сай, кибершабуыл елде және әлемде болып жатқан әлеуметтік оқиғалармен байланысты.

Сол күні кешке "Мемлекеттік техникалық қызмет" Қазнетке жасалған хакерлік шабуылдардың жай-жапсарын ашты. Компания зиян әрекет алғаш рет 24 қыркүйекте байқалғанын және содан бері көбейіп отырғанын, ал шабуыл 28 қыркүйекте шарықтау шегіне жеткенін түсіндірді. DDoS шабуылы вирус жұққан компьютерлердің желілерін және ботнет деп аталатын IoT құрылғыларын пайдаланды.

Редакция түсініктеме алу үшін "Мемлекеттік техникалық қызмет" АҚ баспасөз қызметіне жүгінді.

25 қыркүйекте Қазнетте DDoS шабуылы жасалғаны белгілі болды. Содан кейін "МТҚ" АҚ ауқымды кибершабуылдар байланыс операторларының магистральдық арналарына жүктеме артуына әкелетінін хабарлады.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз