Украина өздерін жеделдетілген тәртіппен НАТО-ға енгізуді сұрап, өтініш берді

Әлеуметтік желі, сурет - Zakon.kz жаңалық 30.09.2022 21:54

Сурет: Zelenskiy / Official

Владимир Зеленский Украинаны НАТО-ға жеделдетілген тәртіппен енгізуді сұраған өтінішке қол қойды, деп хабарлайды Zakon.kz.

Бұл туралы Украина Президенті Владимир Зеленский Telegram-арнасында жазды.

Біз (Украина мен НАТО) бір-бірімізге арқа сүйейміз, бір-бірімізге көмектесеміз және бір-бірімізді қорғаймыз. Альянс дегеніміз осы. Де-факто. Бүгін Украина мұны де-юреге айналдыру үшін өтініш берді. Біздің бүкіл қауымдастықты қорғау үшін біздің жағдайымызға сай келетін процедура бойынша, яғни жеделдетілген тәртіппен. Украина Президенті Владимир Зеленский

Зеленскийдің бұл мәлімдемесі Украинаның Ұлттық қауіпсіздік және қорғаныс кеңесінің отырысынан кейін жария болды.

Бұған дейін НАТО-ның Бас хатшысы Йенс Столтенберг 30 қыркүйекте жоспарланбаған баспасөз мәслихатын өткізетінін айтқан болатын.

НАТО-ға кіру үшін альянсқа мүше барлық 30 елдің қолдауына ие болу қажет. Бұған дейін Финляндия мен Швеция НАТО-ға кіруге өтініш білдіргенде тек Түркия өз келісімін бермеген. Анкара бірқатар шарттар қойып, содан кейін сөзге келді.

Оқи отырыңыз