Жаңалықтар тізбегі
0

Түркістан облысында кісі қағып, оқиға орнынан қашып кеткен жүргізуші ұсталды

Жол апаты, сурет - Zakon.kz жаңалық 03.10.2022 20:47 Сурет: polisia.kz
Жол апаты салдарынан жарақат алған жәбірленушіге қатысты сот-медициналық сараптамалар тағайындалды. Қазіргі таңда жәбірленуші ауруханада ем қабылдауда, деп хабарлайды Zakon.kz.

28 қыркүйекте Сарыағаш аудандық полиция бөліміне орталық ауруханадан жергілікті тұрғынның бірі жол-көлік оқиғасынан жарақат алғандығы жөнінде ақпарат келіп түсті. Хабарлама алған бойда полицейлер оқиға орнына шықты.

Тәртіп сақшыларымен анықталғандай, Сарыағаш қаласы арқылы өтетін Жібек жолы – Жетісай тас жолы бойында Mercedes-Benz E 240 көлік жүргізушісі алдынан шыққан адамға қарамай, көлігін одан әрі басқарып, соғып кеткен. Онымен қоймай, оқиға орнынан қашып кеткен.

Жол ережесін өрескел бұзған бұл жүргізушіні анықтап, ұстау мақсатында сарыағаштық тәжірибелі полицейлер шұғыл іске кірісті. Нәтижесінде жүргізушінің жеке басы анықталып, ол көшелердің бірінен ұсталды. Тексеру кезінде оның жүргізуші куәлігі жоқ 22 жастағы жас жігіт екені анықталды.

Аталған жайт бойынша жүргізушіге қатысты ҚР ӘҚБтК-нің 610-бабы 2-бөлігі, 612-бабының 2-бөлігімен екі бірдей хаттама толтырылды. Ал көлік айыптұраққа қойылды. Сонымен қатар, 2 қазанда іс процессуалдық шешім қабылдау үшін Анықтау бөлімшесіне өткізіліп, ҚР ҚК-нің 345-бабы 2-бөлігімен (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы) тіркелді.

Қазіргі таңда тергеу амалдары жүргізілуде. Бүгінде жол апаты салдарынан жарақат алған жәбірленушіге қатысты сот-медициналық сараптамалар тағайындалды. Қазіргі таңда жәбірленуші ауруханада ем қабылдауда.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: