ҚР ІІМ "ресейлік мигрант" туралы видеоға қатысты түсінік берді
Сурет: видеодан алынды
"Жесть дня" Telegram-арнасында Қазақстан қалаларының бірінде түсірілген ер адамды ұрып-соғудың видеосы жарияланды, деп хабарлайды Zakon.kz.
Видео сипаттамасында зардап шегуші – Ресей Федерациясынан келген мигрант, ал шабуылдаушылар – Қазақстан азаматтары-мыс деп көрсетіледі. Жанжалға ұлтаралық алауыздық себеп болған деп те айтылады.
Бұл жағдайға қатысты ҚР ІІМ түсініктеме берді. Ведомствоның мәліметінше, видеоның Қазақстанда түсірілгеніне еш дәлел жоқ, деп хабарлайды stopfake.kz .
Қазіргі уақытта ішкі істер органдары осы видео бойынша тексеру іс-шараларын жүргізіп жатыр. Сонымен қатар полицияға осы негіздегі фактіге қатысты арыз келіп түскен жоқ. ҚР ІІМ баспасөз қызметі
Бұл видеоны Қазнет қолданушылары да талқылап жатыр. Мысалы, блогер Ұлан Әбішев ұлтаралық алауыздықты қоздыруға бағытталған бұл видеоны қойылым деп санайды.
Түрлі ақпараттың, фейктердің көп таралуы, сайттарға жасалған DDoS -шабуылдар – біреулер Қазақстанға қатысты ақпараттық науқан жүргізіп жатқанға ұқсайды, - деп жазды ол өзінің Facebook парақшасында.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
