Тоқаев: Орынсыз айтылған кез келген сөз өшпенділік туғызуы мүмкін

Орталық Азия - Ресей саммиті, Қазақстан, сурет - Zakon.kz жаңалық 14.10.2022 17:34

Сурет: akorda.kz

"Орталық Азия – Ресей" саммитінде сөйлеген сөзінде ҚР президенті Қасым-Жомарт Тоқаев қазіргі әлемде ақпараттық кеңістіктегі келеңсіз жайттардың алдын алу жөніндегі өзара іс-әрекеттердің маңыздылығы артып келе жатқанын тілге тиек етті, деп хабарлайды Zakon.kz.

Президент цифрлық технологиялардың, әлеуметтік желілер мен мессенджерлердің қарқынды дамуы жағдайында орынсыз айтылған кез келген сөз, әсіресе жастар арасында өшпенділік пен этносаралық араздық туғызуы мүмкін екенін айтты.

Соның салдарынан қоғамдағы бірлік пен келісімді нығайтуға бағытталған көпжылғы күш-жігер зая кетеді. Қасым-Жомарт Тоқаев

Оның сөзінше, дау-жанжал мен дүрбелеңді болдырмау үшін салалық ведомстволар мен қоғамдық ұйымдар арасында тығыз ынтымақтастық орнатып, түсіндіру жұмыстарын барынша белсенді жүргізу керек.

Көп нәрсе біздің мемлекет қайраткерлеріміздің саяси жауапкершілігіне де байланысты.Қасым-Жомарт Тоқаев

Өкінішке қарай, кейбір елдерде серіктес мемлекеттерге қатысты арандатушылық сипаттағы сөздер айтылып жүргенін айтқан Президент "мұндай жағдай ашу-ыза туғызатыны заңдылық және деструктивті күштер үшін ұтымды болатынын" айтты.

Оқи отырыңыз