Тоқаев: Орталық Азиядағы климаттың өзгеруінің салдарын енді күш-жігерді біріктірмей еңсеру мүмкін емес

Президент үндеу жасады, сурет - Zakon.kz жаңалық 21.07.2022 12:14

Сурет: pexels

Шолпан-Атада өтіп жатқан Орталық Азия мемлекеттері басшыларының 4-ші консультативтік кездесуінде сөйлеген сөзінде Қазақстан Президенті Қасым-Жомарт Тоқаев Орталық Азия елдерінің қоршаған ортаны қорғау жөніндегі жобалық кеңсесін құруды ұсынғанын айтты, деп хабарлайды Zakon.kz.

Қазіргі заманғы климаттық сын-қатерлер, су-энергетикалық ресурстарға сұраныстың артуы Арал теңізі бассейніндегі су ресурстарын ұтымды пайдалануды қамтамасыз ету бойынша шешуші шаралар қабылдауды талап етеді. Климаттың өзгеруі жөніндегі халықаралық комиссияның есебіне сәйкес, біздің аймақтағы температура планетадағы орташа деңгейден әлдеқайда жылдам көтеріледі. Қасым-Жомарт Тоқаев

Мемлекет басшысы атап өткендей, «климаттың өзгеру процестері біздің өңір үшін негізгі су көзі - мұздықтар алаңының қысқаруына алып келеді».

Соңғы 50 жылда Орталық Азияда олардың көлемі 20-30%-ға азайды, бұл болашақта Сырдария мен Амудария өзендерінің ағынын айтарлықтай азайтады. Қасым-Жомарт Тоқаев

Осының барлығы, Қазақстан Президентінің айтуынша, «аймақтың азық-түлік, энергетикалық және экологиялық қауіпсіздігіне елеулі тәуекелдер туғызады, шұғыл бірлескен шараларды қажет етеді».

Осы орайда біз Қырғызстанның 2022 жылды Халықаралық тауларды тұрақты дамыту жылы деп жариялау туралы бастамасын құптаймыз. Сонымен қатар, Тәжікстанның 2025 жылды Халықаралық мұздықтарды сақтау жылы деп жариялау туралы ұсынысын дер кезінде қарастырамыз. Қасым-Жомарт Тоқаев

Мемлекет басшысы «біздің күш-жігерімізді біріктірмей, Орталық Азиядағы климаттық өзгерістердің зардаптарын енді еңсеру мүмкін емес екеніне терең сенімді».

Сондықтан бірлескен іс-қимылдарды үйлестіру мақсатында біз қоршаған ортаны қорғау және аймақтағы климаттың өзгеруі бойынша келісілген саясатты жүзеге асыру бойынша Орталық Азия елдерінің Жобалық кеңсесін құруды ұсынамыз. Қасым-Жомарт Тоқаев

Оқи отырыңыз