Байқоңырда терроризмге қарсы оқу-жаттығулар өтеді

Байқоңыр тұрғындарына қала аумағында бір апта бойына терроризмге қарсы және командалық-штабтық жаттығулар өтетіні, сондай-ақ қалалық дабыл жүйесін тексеру жүргізілетіні ескертілді, деп хабарлайды Zakon.kz.

Байқоңыр әкімшілігінің Қауіпсіздік және режим басқармасы атап өткендей, қала аумағында 24-28 қазан аралығында мынадай іс-шаралар жоспарланып отыр:

• терроризмге қарсы операцияны басқару, террористік актінің салдарын азайту және жою бойынша практикалық іс-қимылдарды пысықтау мақсатында өткізілетін "Экран-Байқоңыр 2022" терроризмге қарсы оқу-жаттығуы;

• 27 қазан - халықты хабардар ету және "Баршаның назарына!" дабыл белгісі бойынша аяқтан тік тұру жайын ақпараттандыру. Іс-шара шеңберінде халықты хабардар ету мен ақпараттандырудың қалалық дабыл жүйесіне тексеру жүргізілетін болады;

• 28 қазан - Байқоңыр қаласының аумағында төтенше жағдайлардың алдын алу және жою жүйесінің басқару органдары мен күштерінің қатысуымен "Күз-2022" командалық-штабтық оқу-жаттығуы өтеді.

Ведомство өткізіліп жатқан оқу-жаттығуларға байланысты Мир, Сейфуллин көшелері мен академик Королев даңғылы бойынша жүріп-тұруға шектеулер енгізілетіндігін нақтылайды.

Жоспарланған іс-шараларға байланысты Байқоңыр әкімшілігінің Қауіпсіздік және режим басқармасы қала тұрғындарынан оқу-жаттығу кезінде аса қажет болмаса, аталған аудандарда жүріп-тұруды шектеуді әрі бұған түсіністікпен қарауды сұрайды, делінген хабарламада