Мейрам Қажыкен Шахтинскідегі қайғылы оқиға орын алған шахтаға неге бармағанын айтты

Телевизиялық дебат, сурет - Zakon.kz жаңалық 11.11.2022 22:22

Сурет: Facebook/meiram.kazhyken

Телевизиялық дебат кезінде көрермендердің бірі президенттіктен үміткер Мейрам Қажыкеннен Шахтинск қаласында Ленин шахтасында қайғылы оқиға орын алғаннан кейін апат орнына неге бармағанын сұрады, деп хабарлайды Zakon.kz.

Мейрам Қажыкен ондай жоспары болғанын, бірақ жеме-жемге келгенде этикалық себептерге байланысты ол жерге бармай қалғанын айтты.

"Қайғы-қасірет орын алған қалаға қалай аяғыңыз тартады? Ал бардық делік, марқұмдардың туған-туыстарына, жақындарына қай бетімізбен қараймыз? Біз одан хайп жасағымыз келмеді, сапарды кейінге қалдырдық. Ертең сағат 10-да біз Теміртауға барамыз. Сонда кездесу жоспарланған, тура сол кезде осындай өткір мәселелерді қозғаймыз". Президенттікке кандидат Мейрам Қажыкен

Мейрам Қажыкеннің айтуынша, олар өткен жылдан бері өнеркәсіптік компаниялардағы өлім-жітім мәселелерін көтеріп келеді. Петицияға қол жинап келеді. 20 қаңтарда осы жазатайым оқиғаларға қатысты Мемлекеттік тергеу жүргізуді талап ететін петиция жарияланды, мыңдаған адамдар кәсіпорындарда жарақат алады.

Оқи отырыңыз