Бокстан Азия чемпионатында Қазақстан жалпыкомандалық есепте бірінші орын иеленді
Сурет: sports.kz
Қазақстан құрамасының қанжығасы - ең майлысы, Азия чемпионатында жалпы саны 21 медаль жеңіп алды: алтауы – алтын, жетеуі – күміс, сегізі – қола медаль.
Өзбекстан 13 медальмен (6 алтын, 3 күміс, 4 қола) Қазақстаннан кейінгі орынға орнықты.
Үндістанда 12 жүлде бар (4 алтын, 2 күміс, 6 қола), осылайша олар үздік үштікті түйіндеді.
Бокстан 2022 жылғы Азия чемпионатының жалпыкомандалық медаль есебі:
1. Қазақстан — 6-7-8
2. Өзбекстан — 6-3-4
3. Үндістан — 4-2-6
4. Иордания — 2-3-2
5. Таиланд — 2-2-1
6. Жапония — 1-5-1
7. Оңтүстік Корея — 1-1-4
8. Тайвань — 1-0-3
9. Филиппин — 1-0-2
10. Вьетнам — 1-0-1
11. Моңғолия — 0-2-8
12. Қырғызстан — 0-0-4
13. Иран — 0-0-2
13. Тәжікстан — 0-0-2
15. Пәкстан — 0-0-1.
Айта кетсек, 2022 жылғы бокстан Азия чемпионатын бірінші болып қыздар аяқтады. Олардың еншісінде үш алтын, бір күміс, бес қола бар. Ал жігіттер 3 алтын, 6 күміс, 3 қола медаль еншіледі.
