Елдегі жылу электр орталықтарының негізгі жабдықтарының 66 пайызы тозған

Республика бойынша мұндай 37 мекеме бар. Оның оны мемлекеттік, бесеуі квазимемлекеттік, қалған жиырма екісі жеке меншік орталық. Пайдаланатын электр қуатының көлемі 6 517 (МВт) мегаватт. Жылу қуатының көлемі сағатына 20 135 (Гкал) гигакалорияны құрайды. Онда 190 бу қазандығы, 41 су жылыту қазандығы, 132 бу турбинасы және 5 газ турбинасы пайдаланылады.

Ол кезде Энергетика министрлігінде жұмыс істейтінмін. Мемлекеттік нысандар жеке меншікке қалай өткені есімде. Олар соттың шешімімен немесе қарызы үшін тәркіленіп кетті. Бірде-бір кәсіпорын белгіленген тәртіп бойынша сауда-саттық немесе аукцион арқылы сатылған жоқ. Жақып Хайрушев, еңбек сіңірген энергетик