Тоқаев Алматыда қаңтар оқиғасы құрбандарына арналған мемориалды ашты
Сурет: Zakon.kz
Алматының бұрынғы әкімі Бақытжан Сағынтаев қаңтар айында қалада жаппай тәртіпсіздік құрбандарын еске алуға арналған мемориал орнатылатынын мәлімдеген еді.
Сағынтаев бұл ескерткішті орнатуға Мемлекет басшысы бұйрық бергенін айтқан.
Сондай-ақ, Қасым-Жомарт Тоқаевтың атынан болашақ мемориалдың эскизін әзірлеу бойынша ашық сәулет байқауы өтті.
Сурет: Zakon.kz
Бұған дейін Қазақстан Президенті мемориалға болашақ ұрпақтың қауіпсіздігі үшін жанын қиған қазақстандықтардың есімдері қойылатынын түсіндірді.
Сурет: Zakon.kz
2022 жылдың жазында қазақстандық сәулетшілер Алматыда өткен XVII қала құрылысы форумы аясында Алматыдағы қаңтар оқиғасына арналған мемориалдың эскиздерін ұсынды.
Ескерткіштің ашылу қарсаңындағы дайындығын Zakon.kz тілшісі түсіріп үлгерді.
Сурет: Zakon.kz
Сондай-ақ қаза тапқан барлық құқық қорғау және арнайы органдар қызметкерлерінің отбасыларына кепілді материалдық көмек көрсетілді. ҚР ІІМ Тергеу департаменті бастығының орынбасары Нұрлан Дүйсенбаев «Қазақстан халқына» қорынан қаза тапқан 91 адамның отбасына 637 миллион теңге көлемінде материалдық көмек көрсетілгенін айтты.
Бас прокуратураның қылмыстық қудалау қызметі бастығының орынбасары Елдос Қилымжанов қаңтар оқиғасы кезінде 238 адам қаза тапқанын айтты.
2022 жылғы 1 қыркүйекте Қасым-Жомарт Тоқаев Қазақстан халқына Жолдауында қаңтар оқиғасына қатысушыларға рақымшылық жариялады.
Қаңтар оқиғасы үшін бүгінге дейін 160 адам бас бостандығынан айырылды.
