Ұлытау облысында ас беру кезінде газ баллоны жарылып, 16 адам зардап шекті

Төтенше оқиға, сурет - Zakon.kz жаңалық 27.12.2022 18:46

Сурет: Ұлытау облысы ТЖД баспасөз қызметі

27 желтоқсанда Ұлытау облысындағы Жаңаарқа ауылының жеке тұрғын үй аумағында ас беру кезінде газ баллоны жарылып, 16 адам зардап шекті, деп хабарлайды Zakon.kz.

Облыстық ТЖД баспасөз қызметінің мәліметінше, баллон тұрғын үйдің маңындағы моншада жарылған.

"Жарылыс салдарынан 100 шаршы метрді құрайтын моншаның шатыры қирап, от тұтанған", делінген баспасөз қызметі хабарламасында.

Сондай-ақ, жарылыстан 16 адам зардап шекті, олардың сегізі ауруханаға жатқызылды, біреуінің жағдайы өте ауыр. Медициналық тексеруден кейін сегіз адам үйіне босатылды.

"Алдын ала мәліметтер бойынша, қауіпсіздік техникасы өрескел бұзылған, газ баллоны аяздан үй-жайға кіргізіліп, от жағатын құрылғы жанына орнатылған". Ұлытау облысы ТЖД баспасөз қызметі